Rundtur i Vigmostad

I dag har eg fått ein veldig inspirerande rundtur i Vigmostad med rektor ved Vigmostad Skole, Jorunn Eielsen Braadland som kjentmann. Det er heilt tydeleg på dette oppslaget som hang på oppslagstavla ved Ertzeidkverna, at Skulen på Vigmostad gjer mykje godt for kulturhistorien i bygda! Eg er veldig glad for at eg vart invitert på rundtur og fekk sjå desse fantastiske kulturminna!

Fyrst var me inne i det gamle skulehuset frå 1860, som Vigmostad Skole har flytt ned der skulen er i dag. Neste stopp var Ertzeidkverna, som skulen var med og restaurerte for 10 år sidan. Deretter Spilling rivefabrikk, der det var både snikkarverkstad og smie, og det ryktast om tanntrekkingsverksemd der òg. Etterpå for me til Tryland Kraftstasjon, og til sist såg me på Bergstølssaga.

Ertzeidkverna

Spilling rivefabrikk

Minikraftverk av gamlesorten

I kjellaren på rivefabrikken er det ei stor smie

Tryland Kraftstasjon frå 1919

Dei gamle turbinane frå 1919 vart brukte heilt til i 2008

Dei nye trubinane som har vore i drift i to år no

Bergstølssaga i vinterpryd

Bergstølssaga