Uteskulen på besøk

Fredag kom 3. og 4. kl. ved Kyrkjebygd skule til Minne på uteskule. Her fekk dei lære om krigen, nålefilte og baske i snøen. Det var ei utruleg kjekk gruppe å ha på besøk. Fulle av energi ute, lydhøyre når Kari fortalde frå krigen og ivrige på nålefilting.

Påskepynten er på veg

Djupt konsentrerte nålefiltarar

Spennande å høyre frå krigen

Nålefilta hjerte på ei seng av isoporkjernar

 Tusen takk for besøket og velkomne tilbake!

Nålefilting

Nålefilting vart utvikla med industrialiseringa, på maskiner med tusenvis av nåler. Seinare har ein oppdaga moglegheitene i desse små nålene, og teke dei i bruk for å lage detaljerte bilete og figurar. Ved å stikke i ulla med ei spesiell nål med mothakar, vert ulla som tova.

Nålefilting er ein aktivitet med låg terskel. Det enklaste er å nålefilte på isoporfigurar, men ein kan òg nålefilte i peparkakeformer eller på frihand.



Skal du lage ein flat figur, legg du ulla på ei isoporplate og byrjar å stikke med nåla.
Når du har stukke so mange gonger at ulla er fast, kan du snu ulla og stikke frå andre sida.
Viss du påttar ulla i ei form, t.d. peparkakeform, er det lettare å få ynskt fasong.




Når du nålefiltar på ein isoporfigur, er det
berre å legge ulla utover og stikke til ulla er fast.
Eventuell dekor stikk då på til slutt.



Etter kvart kan ein lage meir invikla figurar.
Her er nytta isoporegg til kropp, og ståltråd i føtene,
i stjerten og for å halde hovudet på plass.

Tips til innkjøp:

Eg fann billege isoporkjernar på http://www.cchobby.no/

Ull og nåler har eg frå Vest-Agder-museet Sjølingsdag Uldvarefabrik

Lukke til med nålefiltinga!